მიწა და ინფრასტრუქტურა

ივრის ფერმები იყენებს ესპანელი ექსპერტების მიერ შემუშავებულ ფიტოსანიტარულ და განოყიერების გეგმებს, რომლებიც მორგებულია ბაღის საჭიროებებზე და თანხვედრაშია ევროპულ რეგულაციებთან, მათ შორის, სურსათის უვნებლობის სტანდარტთან. ოპერაციული ეფექტურობისა და მდგრადობისთვის ყოველდღიური სამუშაოების დიდი ნაწილი სრულად მექანიზებულია, რისთვისაც თანამედროვე აგრეგატები და დანადგარები გამოიყენება.

ივრის ფერმების უნიკალური მდებარეობა საშუალებას გვაძლევს, დავასაქმოთ ახლომდებარე სოფლებში მცხოვრები ქართველები და ეთნიკური უმცირესობების წარმომადგენლები, რაც რეგიონის მასშტაბით მათი ინტეგრაციისთვის უმნიშვნელოვანესი ფაქტორია. ჩვენი აგრონომები და დარგის ექსპერტები მათ მუდმივად უზიარებენ თანამედროვე სასოფლო-სამეურნეო პრაქტიკებს.